Механикалық жұмыс

Физикада «жұмыс» үғымын кез келген дененің әрекетімен түсіндіреді.Мысалы , аққан су мен соққан жел де , құмырсқа мен бал арасы да жұмыс атқарады .

Физика негізінен механикалық жұмысты қарастырады . Күш әрекетінен дене орын ауыстырса ғана механикалық жұмыс жасалады.

Денеге әрекет ететін күштің шамасы үлкен болған сайын істелетін жұмыс та арта береді . Сондай-ақ , дененің орын ауыстыруы өскен сайын атқарылатын жұмыс та өсе береді . Мысалы , бір адам F₁ = 100 H күш түсіріп , жүкті 50м қашықтыққа апарды делік . Екінші адам сол қашықтыққа екі есе артық F₃= 200 H күш жұмсап апарды . Ал түсірген күштерін өзгертпей , екі жұмысшы да жүкті 100м қашықтыққа апарған болса , онда олардың әрқайсысы 50 м қашықтыққа қарағанда екі есе артық жұмыс жасаған болар еді .

Сөйтіп , дененің қозғалу бағытында әрекет ететін күштің механикалық жұмысы күшке де , жүрілген жолға да тура пропорционал болады. Бұл қорытында қысқаша өрнекпен сипатталады :

Жұмыстың өлшем бірлігіне 1 Ньютон (1 H) күштің денені 1 метрге жылжытқандағы жұмысы алынады. Бұл жұмыстың бірлігі джоульді (Дж) береді .

Жұмыстың джоульден үлкен де , кіші бірліктері бар .

1 килоджоуль (1кДж) = 1000 Дж = 10³ Дж ;

1 миллиджоуль (1 мДж) = 0,001 Дж = 10^-3 Дж ;

1 микроджоуль (1 мкДж) =0,000001 Дж = 10^-6 Дж .

Дереккөз : Физика және астрономия 7 сын. Башарұлы Р./Тоқбергенова У. 2007 ж.